Entroido de Verán de 2013

Entroido de Verán de 2013

“A Caniceira” da Pobra de Trives organiza por sexto ano consecutivo o Entroido de Verán, dentro da VI Mostra de Patrimonio Inmaterial.

O Entroido terá lugar os días 8, 9 e 10 de agosto nas rúas da vila. As actividades previstas inclúen Cantos de taberna o venres, a partires das 8 da tarde, para comezar a festa.

Entroido de VeránO sábado á mañá, ás 11:00 h., abre o mercado de artesanía, que estará funcionando todo o día. Tamén pola mañá terá lugar unha ruta en bici que sae ás 11:00 h. da Praza do Reloxo. Pola tarde, o desfile de folións partirá ás 19:30 h. do campo da Barreira. Este mesmo día, ás 12:00 h. da noite actuará o grupo do Barco de Valdeorras “Los Correctos”, na Praza do Reloxo.

O domingo ás 11:00 h. da mañá abrirá de novo o mercado de artesanía. Inda pola mañá, organizaranse actividades para nenos, a partires das 12:00 h. na Praza do Pilón. Á tarde haberá unha actuación do Ximnasio Trivesport a partir das 18:30 h. na Praza do Reloxo. Na Praza do Pilón, ás 19:30 h. comezará a actuación da Banda de Gaitas “Os Trintas” de Trives, e unha hora despois, o grupo de cantareiras da Caniceira “As Macizas Centrais”.

As actividades da fin de semana pecharanse coa actuación do cantautor Javier Araújo ás 23:00 h. na praza do Dr. Paz, antiga praza da peixería, en pleno corazón da zona vella da vila. Durante a fin de semana entregaranse os premios do concurso organizado pola Caniceira “Balcóns de flores”. ç

Entroido de Verán

Entroido de Veránç 10564762_1458935314372946_1417041031_n
10555168_1458935317706279_1196220341_n