salvamento maritimoO helicóptero Pesca I recuperou na primeira hora desta mañá na ría de Aldán o cadáver dun home de nacionalidade italiana que desaparecera onte, informaron a Efe fontes do Salvamento Marítimo.

O corpo foi rescatado ás 7.45 horas despois de ser localizado uns dez minutos antes polo tripulante dunha embarcación particular flotando e vestido cun traxe de neopreno.

O barco que o falecido alugara onte en Sanxenxo, de nome Sálvora III e de catro metros de eslora, fora localizado onte á noite polo Pesca I fondeado na ría de Aldán e sen ningún ocupante a bordo.

Foi o dono da empresa de alugueiro de embarcacións quen deu onte a voz de alarma ao non ter noticias do seu cliente.

Ás 21.40 horas montouse un dispositivo de busca en que participaron o helicóptero Pesca I da Xunta, a Salvamar Mirach do Salvamento Marítimo, unha embarcación auxiliar do Sebastián Ocampo e unha moto de auga da citada empresa de alugueiro, co apoio por terra da Protección Civil de Cangas.

Despois de ser recuperado, o cadáver foi trasladado ao aeroporto de Peinador, onde se fixo cargo del a Policía Xudicial de Cangas.

EFE