Controlado o incendio forestal rexistrado no concello ourensán de Padrenda, parroquia homónima
A Consellería do Medio Rural e do Mar informa do control do incendio forestal rexistrado no concello ourensán de Padrenda, parroquia homónima.
O lume que se iniciou na madrugada do venres ás 01:50 horas quedou controlado ás 11,09h desta mañá. Segundo novas estimacións provisionais, a superficie afectada é de 207 hectáreas rasas en terreos de Rede Natura.
Na súa extinción levan traballado 1 técnico, 7 axentes forestais, 22 brigadas, 9 motobombas, 1 pa e 6 helicópteros.
