Continúa o teatro dentro da programación de Nadal

  • Con Perfectos descoñecidos, do grupo monfortino Viraventos
  • O Concello de Monforte promove esta actuación incluída no Circuíto de Teatro Afeccionado da Vicepresidencia da Deputación de Lugo-Cultura, para este sábado 17 de decembro na Casa da Cultura Poeta Lois Pereiro, a partir das 19:30 horas
  • É unha obra con entrada libre e gratuíta
  • O Grupo de Teatro Viraventos xurdiu hai 21 anos no contexto das actividades de tempo libre para persoas maiores que se organizaban dende os Servizos Sociais do Concello de Monforte

 

Hoxe sábado 17 de decembro ás 19:30 na Casa da Cultura Poeta Lois Pereiro terá lugar a posta en escena da obra teatral Perfectos descoñecidos, a cargo do grupo de teatro monfortino Viraventos.

Esta actuación está incluída no Programa de Nadal do Concello de Monforte, e forma parte do proxecto Circuíto de Teatro Afeccionado 2022 da Vicepresidencia da Deputación de Lugo-Cultura.

É unha obra con entrada libre e gratuíta.

Viraventos, é un grupo de teatro que xurdiu hai 21 anos no contexto das actividades de tempo libre para persoas maiores que se organizaban desde os Servizos Sociais do Concello de Monforte.

Nestes anos, contou coa participación de mais de medio cento de persoas que levaron a cabo, curso tras curso, a montaxe e representación de 30 obras de teatro, clásicas, adaptadas e de creación propia. Moi activos nas súas actividades, teñen actuado en colexios, festas populares, festas medievais, recitais… e desde hai anos, forman parte do Proxecto de teatro afeccionado da Deputación de Lugo.

También te podría gustar...