As temperaturas superarán hoxe os 30 graos no interior de Galicia
Galicia estará durante a xornada de hoxe baixo a influencia anticiclónica, á que se suma a entrada de aire cálido e seco de latitudes inferiores.
Desta forma, segundo informa Meteogalicia, espérase un día de sol e calor, con intervalos de nubes baixas e néboas illadas nas primeiras horas na metade norte e nubes de evolución á tarde nas áreas de montaña do interior.
As temperaturas ascenderán, tanto as mínimas como as máximas, con valores que durante a tarde superarán en xeral os 30º C no interior.
Os ventos soprarán frouxos do nordeste, con intervalos de moderado no litoral; haberá réxime de brisas á tarde nas rías Baixas.
Temperaturas previstas para mañá:
A Coruña 15° 25°, Ferrol 15° 28°, Lugo 15° 29°, Ourense 15° 34°, Pontevedra 17° 29°, Santiago de Compostela 14° 29°, Vigo 15° 28°.
