XIX edición da Feira do Viño de Valdeorras: Entregados os premios da cata profesional e da cata ‘popular’
- Entrega de premios aos mellores viños da cata profesional e da cata con xurado popular
- Ambas as dúas iniciativas desenvolvéronse ao abeiro da XIX edición da Feira do Viño de Valdeorras
Publicidad. Bodea Eladio Santalla
Na tarde de onte entregáronse, na praza barquense de Viloira, os premios aos mellores viños da cata profesional e da cata con xurado popular, dúas iniciativas postas en marcha ao abeiro da XIX Feira do Viño de Valdeorras, celebrada esta fin de semana. Os premios da XVII Cata Oficial de Valdeorras, que por vez primeira se abriu a todas as bodegas da comarca e non só ás participantes na Feira, foron os seguintes:
Brancos
- 1º Premio- Viña Abad, de Bodega Cooperativa Jesús Nazareno
- 2º Premio- D´Berna, de Guitián y Blanco S.C.
- 3º Premio- Viñaredo, de Bodega Santa Marta S.A.T.
Tintos
- 1º Premio- Alán de Val, de Adega Alán S.A.T.
- 2º Premio- Sampayolo Garnacha Vella da Chaira do Ramiriño, de Bodega Sampayolo S.L.
- 3º Premio- Quinta da Peza, de Adega Quinta da Peza S.L.
A mención especial “viños doutras añadas” foi para Viñaredo Barrica 2012 (de Bodegas Santa Marta)
Premios da cata con xurado popular
Doutra banda, os premios da cata con xurado popular, iniciativa que se desenvolvía por vez primeira no marco da Feira do Viño e na que participaron máis dunha decea de persoas, foron para as bodegas Guitián y Blanco S.C. (con D´Berna), que obtivo o primeiro premio; Bodega Cooperativa Jesús Nazareno (coa marca Viña Abad), segunda clasificada, e Bodega Manuel Corzo Rodríguez (con Viña Corzo), que obtivo o terceiro posto. Todas elas na categoría de brancos.
Xunto a isto, en tintos, as bodegas premiadas foron, en primeiro lugar, Roandi S.L (Bancales Barrica 2013); en segundo lugar, Guitián y Blanco S.C (D´Berna-Mencía) e o terceiro posto foi para Bodega Cooperativa Jesús Nazareno (Menciño).
Alán de Val
Guitián
Roandi
Viña Abad
Revivimos a xornada en imaxes:
