Programa de actividades das Festas do Cristo 2014 no Barco para hoxe luns
Programa de actividades das Festas do Cristo 2014 no Barco para hoxe luns, derradeiro día das festas deste ano.
Comezará o día ás 11:00h cun percorrido musical polas rúas da vila a cargo do grupo de gaiteiros Celtas Largos.
Á mesma hora, haberá un parque infantil de xogos na praza do Concello e na praza do Príncipe, con horario de 11 a 13 h. e de 16 a 18 horas.
Xa polo serán, ás 19:30h, no Malecón nos atoparemos coa actividade Teatro de rúa na cal o grupo Fantoches Baj representará «Velocíclopes», para todos os públicos, dentro do programa «Cultura no Camiño».
Xa ás 21:00h, no Teatro Lauro Olmo celebrarase o concerto de Najla Shami, sendo á mesma hora no Campo da Festa do Malecón o último baile das festas amenizado pola orquestra Miramar, con actuacións de tarde e noite.
