En Monforte, o vermú con Dani Barreiro & Friends

A formación Dani Barreiro & Friends chega a Monforte este domingo 3 de abril para darlle a benvida ás sesións vermú da terraza do coñecido AwA, local á beira do río Cabe, no centro da cidade.

 

E así chega Dani Barreiro, nesta ocasión acompañado de Manu Bastón (batería e guitarra eléctrica e acústica), para dalo todo no AWA a partir das 13:30 h. do domingo 3 de abril. 

Con Dani & Friend lembraremos a música de artistas tan dispares como: Andrés Dobarro, Juan Pardo, o rués Magín Blanco, Loquillo, Gabinete Caligari, Duncan Dhu, Andrés Calamaro, Quique González, Coque Malla, Joaquin Sabina… pasando por Rosendo, Burning ou Los Secretos; variando o seu ecléctico repertorio e incluíndo clásicos internacionais de diferentes artistas como Johnny Cash, Neil Young, Neil Diamond, REM, Depeche Mode, Rolling Stones, The Beatles, etc.

Os máis de 100 concertos ao ano en bares, pubs, eventos ou a súa participación en grandes festivais como Atlantic Fest ou o Festival da Luz avalan a súa experiencia, rodaxe e solvencia artística.

También te podría gustar...