Concerto acústico do dueto SOUL&ROLL
Concerto acústico do dueto SOUL&ROLL no BRAVO LUX (R. Doutor Vila, A Rúa) o sábado 10 ás 00:30 h.
SOUL&ROLLSoul & Roll é un dueto en acústico formado por Miguel Araújo á guitarra e Tamara Pérez como voz solista que comezou a súa andaina musical no ano 2013.
Enriba do escenario fan un traballo dun xeito totalmente diferente ao que o público está acostumado , pois son algo máis que unha guitarra e unha voz; a intensidade e a calidade do directo engaiolan. O repertorio é totalmente coñecido , escollido coa intención de que o seu público se divirta e goce da música en directo.
En canto a estilos, destacan o Rock, Pop , Soul ou Blues (Police , U2 , pop español dos 80 , Bruno Mars , Bon Jovi , etc) e ademais de versións tamén compoñen os seus propios temas cos que xa obtiveron importantes recoñecementos. En outubro de 2013 acadaron o 2º premio no Festival da canción do Grove co tema «Siempre cantaré», e en outubro do ano seguinte (2014) o 1º premio nese mesmo festival co tema «Detrás de tu ventana». No 2014, no festival «Ti si que molas» de Maceda, quedaron no 2º posto versionando un tema de Andy MCkee.
