- Mañá nova representación teatral
- O Concello de Monforte continúa co seu ciclo de teatro para o primeiro trimestre deste ano 2022, mañá xoves 10 de marzo no Edificio Multiusos a partir das 20.15 horas. O prezo da entrada xeral para esta obra será de cinco euros e tres para desempregados, xubilados e estudantes
- A obra enmárcase dentro do programa de actividades ideado polo Concello arredor do 8 de marzo, Día Internacional da Muller
- Todas as obras que se celebran neste ciclo de teatro contarán cun protocolo específico de seguridade e hixiene ante o Coronavirus. As entradas venderanse ata completar a capacidade do local seguindo a normativa sanitaria no momento da actuación
O teatro volve esta semana a Monforte, dentro da programación da Rede Galega de Teatros e Auditorios, mañá xoves 24 de marzo ás 20:15 no Edificio Multiusos coa posta en escena da obra para adultos Cigarreiras, da compañía Contraproducións, baixo a dirección de Cándido Pazó e interpretada por Tamara Canosa, Susana Dans, Covadonga Berdiñas, Isabel Naveira, Ledicia Sola, Ana Santos e Mercedes Castro.
Esta peza enmárcase dentro do programa de actividades ideado polo Concello arredor do 8 de marzo, Día Internacional da Muller..
O prezo da entrada xeral para esta obra será de cinco euros e tres para desempregados, xubilados e estudantes.
A venta de entradas farase dende unha hora antes da actuación e a entrada o salón de actos realizarase media hora antes do comezo da obra.
A venta de entradas será ata completar a capacidade do local seguindo a normativa sanitaria no momento da actuación.
Sinopse
No centenario do pasamento da novelista Emilia Pardo Bazán, Cigarreiras presenta unha releitura dunha das obras máis interesantes da autora: A Tribuna.
A muller, o amor e os prexuízos de clase son os temas entorno ao que xirarán esta releitura, facendo fincapé no ambiente e primeiras loitas femininas das traballadoras da Fábrica de Tabacos da Coruña.
E todo isto con un transfondo político onde se asiste ó ocaso dos Borbóns e á atribulada proclamación da I República.
A seguinte obra do ciclo de teatro para público infantil e familiar programado polo Equipo de Goberno do Concello de Monforte será Saga de flin Havardr da compañía Trécola Monicreques que terá lugar o xoves 31 de marzo no Edificio Multiusos ás 18 h. Esta obra forma parte do circuíto Teatro Profesional da Área de Cultura da Deputación de Lugo.
Descubre más artículos interesantes de entre 2014-2024 de CTP en nuestro Archivo Histórico donde hemos seleccionado varios de otro enfoque para que puedan seguir siendo accesibles a pesar de estar desde 2025 enfocados en el Mundo Rural.
