Cifras históricas tanto de turistas como de peregrinos no Ano Xubilar Extraordinario da Misericordia que finaliza

  • Finaliza o Ano Xubilar Extraordinario da Misericordia con cifras históricas tanto de turistas como de peregrinos
  • Grazas a esta celebración, a Porta Santa da Catedral de Santiago permaneceu aberta por primeira vez na Historia fóra dun Ano Santo
  • Este fito constituíu un gran reclamo tanto para o Camiño de Santiago como para Compostela e Galicia en xeral
  • Turismo de Galicia ofreceu neste período unha programación especial que achegou un valor engadido á oferta da nosa comunidade

 

Peregrinos de la III Etapa del Camino de Invierno en As Covas de Vilamartín

 

Mañá finaliza o Ano Xubilar Extraordinario da Misericordia, durante o que, por primeira vez na Historia e por expreso desexo do Papa, se abriu por primeira vez a Porta Santa fóra dun Ano Santo. O seu peche marca o fin dun fito que supuxo un gran reclamo para a Ruta Xacobea, para Santiago e para Galicia.

O Ano da Misericordia impulsou as boas cifras de chegada de peregrinos e outros turistas que viña rexistrando Galicia. Deste xeito, contribuíu a bater as espectaculares cifras de peregrinos do Ano Santo 2010 e a acadar as 271.000 Compostelas expedidas no que levamos de ano.

Ademais, esta celebración tamén axudou a que nos esteamos aproximando ao ambicioso obxectivo dos cinco millóns de viaxeiros aloxados na nosa comunidade durante o 2016. A demanda turística rexistrou nos nove primeiros meses deste ano subas do 7,4% no que se refire ao viaxeiros aloxados e do 9% en relación ás pernoitas, das que chegamos a 8,4 millóns.

Programación especial

No marco do Ano da Misericordia, Turismo de Galicia ofreceu tanto aos galegos como aos turistas e peregrinos que nos visitaron neste período unha programación especial que achegou un valor engadido á oferta da nosa comunidade.

Esta programación incluíu todo tipo de acontecementos culturais, artísticos e sociais, así como iniciativas relacionadas co desenvolvemento turístico e a acollida ao visitante.

Programas musicais, como o ciclo Latitudes ou Música no Camiño, o ciclo “CONferencias con SOLIDARIEDADE” e mostras expositivas como “Galicia, Casa dos Peregrinos” ou “Via Iacobitana” son algunhas das moitas actividades realizadas con motivo deste Ano Xubilar da Misericordia que finaliza no día de mañá.

También te podría gustar...