A Vuelta Junior Cofidis chegará a Monforte

  • A través da súa Aula Ciclista-Bike Park o 11 de xullo
  • O evento, froito da colaboración do Concello de Monforte, La Vuelta e esta entidade financeira, celebrarase o próximo 11 de xullo na Praza da Compañía
  • A xornada diríxese a nenos e nenas de 8 a 11 anos, que participarán en charlas e sesións prácticas ao aire libre sobre educación vial, ciclismo e hábitos de vida saudable
  • O Concello iniciou hoxe unha campaña de difusión do evento nos centros educativos da cidade, co obxectivo de conseguir o maior número de participantes
  • “Dende o Concello”, subliña o Alcalde, “agardamos que sexan moitos os nenos e nenas monfortinos os que se animen a participar nesta actividade, pois a través desta aula ciclista, aprenderán e porán en práctica valores como o respecto, o esforzo e o traballo en equipo, á vez que se divertirán, nunha xornada familiar e festiva, que estou seguro será todo un éxito”

 

O Alcalde de Monforte, José Tomé Roca, ven de anunciar que o domingo 11 de xullo celebrarase na cidade a “Aula Ciclista-Bike Park”, que forma parte da Vuelta Junior Cofidis, e é un evento enmarcado dentro dos actos e actividades promocionais da Volta a España 2021. A actividade terá lugar na Praza da Compañía en horario de 11:00 a 14:00 e de 16:00 a 20:00 h.

Este evento diríxese a nenos e nenas de 3º, 4º, 5º e 6º de Primaria, motivo polo cal “hoxe iniciamos dende o Concello de Monforte, en colaboración cos organizadores da Volta a España, unha campaña de difusión de este evento entre os centros educativos da nosa cidade, co fin de conseguir o maior número de participantes”, salienta o Alcalde.

O Aula Ciclista-Bike Park consistirá nunha aula de ciclismo onde se impartirán contidos teóricos sobre seguridade vial, alimentación, medio ambiente e mecánica da bicicleta, e contidos prácticos que se levarán a cabo nun circuíto de habilidades e manexo da bicicleta. Ademais, dende a organización do evento, repartiranse numerosos agasallos entre as persoas asistentes. A actividade contará con protocolo específico de prevención do contaxio por COVID-19.

Todas as persoas asistentes terán opción de ser seleccionadas para participar na Vuelta Junior Cofidis, que terá lugar o día 3 de setembro, día no que finaliza a etapa número 19 da Volta a España 2021 entre Tapia de Casariego e Monforte de Lemos. Ese día, os nenos e nenas participantes terán a oportunidade de vivir dende dentro o ambiente profesional do evento, realizar un tramo do percorrido entrando na meta do mesmo xeito que o van a facer os corredores minutos máis tarde, e incluso subir ó podio cos gañadores da etapa.

“Dende o Concello”, subliña o Alcalde,

agardamos que sexan moitos os nenos e nenas monfortinos os que se animen a participar nesta actividade, pois a través desta aula ciclista, aprenderán e porán en práctica valores como o respecto, o esforzo e o traballo en equipo, á vez que se divertirán, nunha xornada familiar e festiva, que estou seguro será todo un éxito.

 
Unha década apostando pola educación

Tralo obrigado parón do ano pasado con motivo da pandemia e logo de arrincar na Rexión de Murcia, as Aulas Ciclistas da Volta Junior Cofidis chegan este 2021 Monforte de Lemos.

Desde 2011, a Vuelta Junior Cofidis é un programa formativo-deportivo impartido por exciclistas profesionais e monitores cualificados que ten como obxectivos iniciar a educación de nenos e nenas no uso da bicicleta, os hábitos alimentarios e a circulación segura pola vía pública.

Esta iniciativa impulsada por Cofidis conta co apoio da Dirección Xeral de Tráfico (DGT), a Fundación Deporte Novo do Consello Superior de Deportes, A Volta, a Asociación de Ciclistas Profesionais (ACP) e a Fundación Alberto Contador.

O evento, que este ano alcanza o seu 10ª edición, chegou xa a máis de 225.000 nenos e nenas de toda España. Delas saen os máis de 1.500 nenos e nenas que cada ano compiten nas 10 etapas da Vuelta Junior Cofidis. En devandita carreira, os participantes percorren o último quilómetro dunha etapa da Volta, vivindo por un día uno dos grandes soños de calquera ciclista profesional.

Máis información en www.lavueltajuniorcofidis.com