Avenida de la Marina de A CoruñaA Coruña deu onte o “disparo de saída oficial” á celebración do Fórum Gastronómico de 15 a 17 de marzo de 2015, un evento co que aspira a se converter nesta segunda edición na “capitalidade gastronómica do Atlántico”.

O alcalde da Coruña, Carlos Negreira, e o presidente da Deputación provincial, Diego Calvo, presentaron hoxe a segunda edición do Fórum Coruña, acompañados polos organizadores do evento, Pep Palau e Jaume von Arend.

O Fórum Gastronómico, que decorreu neste ano na Coruña, recibiu máis de 21.000 visitantes, 40% máis que noutros anos en Galicia, a mesma porcentaxe en que aumentaron as marcas presentes, até 457, cifras que revelan a súa consolidación na cidade.

“O mar como paisaxe culinaria” foi o eixe central do Fórum Coruña e por iso no panel de convidados figuraron especialistas en descubrir e cociñar os produtos do mar, como Pepe Solla (Casa Solla), mais tamén na cociña doce, como o responsable das sobremesas de El Celler de Can Roca (Xirona), Jordi Roca, e en viños, como o sommelier Josep Roca, e figuras emerxentes como Diego López (La Molinera) e Lucía Freitas (A Tafona)