- Comunicado A.T.R.I.F.O.G.A. (Asociación de Traballadores de Incendios Forestais de Galicia
En Galicia levamos anos, moitos anos sufrindo os efectos dos devastadores lumes que por mor de xentuza sen escrúpulos, acaban coa nosa terra.
As asociacións, as comunidades de montes, comunidade de veciños, as OOSS, a sociedade en xeral, levamos anos reclamando medidas que minimizen os danos producidos polos lumes que asolan a nosa terra. Ourense por excelencia encabeza o ranking galego en canto ós incendios que a meirande parte son provocados.
Temos que cambiar a política forestal. Non funciona. Estase a demostrar que algo falla, cando dende a Direccion Xeral de Montes o seu propio titular o exprime coas súas verbas na canle pública da RTVG, decindo que xa o esperaba. Creemos que estamos ante unha falta de respeto hacia todol@s galegos por parte do señor director do Medio Rural.
Se o sabía, ¿porqué non se tomaron as medidas oportunas para que non sucedera? ¿ou no seu caso minimizar os efectos?
Como presidente da asociación de Traballadores de Incendios Forestais de Galicia, ATRIFOGA, non entendo a actitude do titular de Montes.
ATRIFOGA aposta pola prevención para minimizar eses lumes.
A despoblación do rural, a falta de recursos humanos e materiais, tamén forma parte do despropósito que se está facendo co SPIF.
A sociedade debe saber e entender que o SPIF é da Consellería do Medio Rural da Xunta de Galicia que aposta pola defensa do noso Rural. As continxencias do rural, as EMERXENCIAS NO ÁMBITO RURAL, sen dúbida ten que ser da nosa competencia.
Estamos cualificados profesionalmente para esas labores, recoñecidas pola propia Consellería de Medio Rural e da propia Xunta de Galicia.
Dende ATRIFOGA, levamos anos reclamando o aumento do tempo de traballo. Recordarvos, que somos traballadores fixos-discontinuos de 6 meses. Reclamamos o aumento do tempo de traballo para facer esa tan desexada prevención que se está a reclamar por toda a sociedade Galega.
Ahí temos moita carga de traballo señor conselleiro. Por unha Galicia verde e sostible.
Rafael Fernandez Presidente de Atrifoga
