Unha ambulancia sofre un accidente de tráfico en Pantón cando realizaba un traslado
Unha ambulancia en pleno traslado sufriu un accidente na N-120, punto quilométrico 545, ó paso polo Concello de Pantón.
Segundo relataron as testemuñas do sinistro, a ambulancia se saíu da vía e envorcou. Así e todo, os ocupantes do vehículo estaban totalmente liberados e accesibles. Iso sí, dúas das persoas que viaxaban no interior tiveron que ser atendidas polos servizos sanitarios. Igualmente, ante a posibilidade de que os ocupantes estivesen atrapados, o persoal do 112 Galicia pediu a colaboración dos Bombeiros de Monforte, que, unha vez no lugar do accidente, comprobaron que as persoas podían saír polos seus propios medios. O CAE 112 Galicia recibiu varias chamadas de condutores que alertaron sobre o suceso.
