III Xornadas de desenvolvemento dos contratos-programa
O conselleiro de Cultura, Educación e Ordenación Universitaria, Román Rodríguez, participou o pasado venres, xunto a centos de docentes galegos, na terceira edición das Xornadas de desenvolvemento dos contratos-programa. Un total de 350 centros educativos de toda Galicia están adheridos a esta iniciativa este curso, así como 5.322 profesores e profesoras e case 53.500 alumnos e alumnas. Trátase da cuarta convocatoria dos contratos-programa, unha ferramenta orientada a analizar e mellorar os puntos débiles dos diferentes centros da Comunidade.
