Feijoó, Baltar e Viso visitan O Barco e A Rúa no primeiro día de campaña
- O Partido Popular reúne en Valdeorras a líderes provinciais, galegos e candidatos ourensáns no primeiro día de campaña
- O presidente provincial, Manuel Baltar, e o presidente do PPdeG, Alberto Núñez Feijoó estiveron en O Barco e A Rúa
- Manuel Baltar foi rotundo na súa primeira mensaxe de campaña ao afirmar que “xa queda un día menos para que España conte cun goberno estable, o que recuperou económicamente o país”.
- Miguel Ángel Viso, cabeza de lista ao Congreso, pediu de novo a confianza dos valdeorreses “fronte aos que só pretenden impedir calquera proxecto de progreso, como a A76”
Feijoó, Baltar e Blanco
O Partido Popular de Ourense principiou hoxe a campaña electoral para a cita coas urnas do 26 de xuño na comarca de Valdeorras, onde o presidente provincial, Manuel Baltar, o presidente da Xunta de Galicia e do PPdeG, Alberto Núñez Feijoó, e os candidatos ao Congreso e ao Senado se deron cita nunha visita á vila de O Barco e nun mítin na Rúa.
Acto no Malecón
O presidente dos populares ourensáns, Manuel Baltar, lanzou a súa primeira mensaxe de campaña cunha rotunda declaración de intencións, afirmando que “xa queda un día menos para que España conte cun goberno estable, o que recuperou económicamente o país”.
No mítin na Rúa
Para Manuel Baltar, a visita a Valdeorras é todo un recoñecemento ao motor económico que supón esta comarca para o conxunto da provincia, “con sectores clave para o desenvolvemento como a lousa, a agroalimentación e mesmo outras opcións de futuro aos que tamén hai que mirar como o turismo cultural”.
Pola súa banda, o número uno ao Congreso, Miguel Ángel Viso, afirmou sentirse emocionado e agradecido pola nova oportunidade que lle brinda o PP e o seu presidente provincial para volver a representar a Ourense.
Viso explicou a súa experiencia nos 133 días que estivo no Congreso, “onde vin que as únicas propostas que formularon os demais partidos só tiñan como obxectivo evitar que gobernara o PP”. Unha postura, engadiu, que segue a ver nestas primeiras horas de campaña entre aqueles que “so pretenden impedir calquera proxecto de progreso, como que Valdeorras non teña unha infraestrutura vital como a A76”.
